Ipinagdiwang ni Kim Chiu ang kanyang 36th birthday sa pamamagitan ng pagbibigay ng libreng gasolina, pagkain, at grocery packs sa mga jeepney at tricycle drivers.
Sa kanyang Instagram story, ibinahagi ng aktres ang mga litrato ng isinagawang distribusyon.
Pinasalamatan ni Kim ang mga sumuporta sa kanyang #KimChiuClosetBazaar dahil ito aniya ang nagbigay-daan para makatulong siya sa animnaraang jeepney at tricycle drivers.
Nagpasalamat din ang aktres sa grupong Buena Pamilya sa pagtulong sa kanya na maisakatuparan ang naturang aktibidad.
