Nakuha ng Ateneo de Manila University ang last Final Four spot sa UAAP Season 89 Women’s Football Tournament, matapos padapain ang National University sa score na 2-0 sa UP Diliman Football Stadium.
Umiskor si Danielle Benitez sa 44th minute at sinelyuhan ni Celina Salazar ang tagumpay ng Blue Eagles sa apat na minuto ng extra time.
Kumpleto na ang Final Four cast ng women’s division, makaraang ma-secure ng Ateneo ang huling spot sa pamamagitan ng 13 points.
Makakasama ng Blue Eagles sa Final Four ang top-seeded na Far Eastern University, second-placed De La Salle University, at third-placed University of the Philippines.
