Habang papalapit ang trial sa impeachment court, mas pinalakas ng House prosecution panel ang kanilang paghahanda.
Inamin ni Batangas Rep. at Lead Prosecutor Gerville Luistro, na pina-fine-tuned nila ang trial preparations sa pagre-reassign ng lead prosecutor sa dalawang articles of impeachment.
Si Manila Cong. Joel Chua ang mamumuno sa prosecution team na hahawak sa article on misuse of P612.5-M confidential funds.
Si Bukidnon Rep. Jonathan Keith Flores ang opisyal na naatasang hahawak sa article on bribery.
Nananatili naman kay Rep. Lorenz Defensor ng Iloilo ang lead role sa article on grave threats, at kay Rep. Terry Ridon ang lead role sa unexplained wealth.
Sinabi ni Luistro na bilang lead prosecutor, binitiwan niya ang pagiging team leader sa apat na articles.
Gayunman, hangga’t hindi umano natatapos ang presentation of evidence, asahan na may pagbabago pa rin sa assignment ng prosecutors.
