Wagi sa kani-kanilang laban ang Creamline Cool Smashers at Cignal HD Spikers sa pagbubukas ng Round Robin Semi-finals ng Premier Volleyball League Reinforced Conference.
Sa 1st game, na-sweep ng Creamline ang Petro Gazz Angels sa set scores na 25-21, 25-20, at 25-23.
Nanguna para sa Cool Smashers si import Yeliz Basa na nagtala ng 17 points, 14 points kay Jema Galanza, 11 points kay Alyssa Valdez, at 10 points kay Ced Domingo.
Samantala, sa 2nd game ay winalis din ng Cignal ang Chery Tiggo Crossovers sa set scores na 28-26, 25-17, at 25-23.
Gumawa ng 21 points para sa Cignal si import Tai Bierria.
Magpapatuloy ang semis sa linggo sa Smart Araneta Coliseum.
