Ikinonsidera ng Kamara ang mga naganap na school shootings sa realignment ng ₱8.072 billion ng 2027 General Appropriations Bill para pondohan ang education programs.
Kabilang sa realignment ang ₱500 million para tugunan ang school shootings sa bansa.
Ayon kay House Committee on Appropriations Chairperson at Nueva Ecija 1st District Rep. Mikaela Angela Mika Suansing, saklaw ng realignment ng budget ang basic, higher at technical-vocational education.
Sa ilalim ng 2027 National Expenditure Program, walang nakalaang pondo para sa school safety at security.
Inaprubahan na ng Kamara ang ₱1.952 billion na additional funding para sa basic education programs.
Sa higher education, inaprubahan ang ₱2.102 billion para sa Tertiary Education Subsidy at ₱1.766 billion sa Tulong Dunong Program sa ilalim ng Commission on Higher Education.
Para naman sa TESDA, inaprubahan ang ₱966.6 million para sa Training for Work Scholarship Program at ₱469.2 million para sa Special Training for Employment Program.
