Inanunsyo ng Department of Energy (DOE) na maaari nang e-avail ng jeepney at UV Express drivers ang fuel discounts na hanggang 10 pesos per liter sa 46 gasoline stations sa Metro Manila.
Ito’y matapos ipag-utos ni Pangulong Ferdinand Marcos Jr. ang pamamahagi ng 10 pesos per liter na fuel subsidy sa mga tsuper at operator ng public utility vehicles, na may limit na 150 pesos kada linggo sa mga participating gasoline stations.
Ayon sa DOE, ang mga gasolinahan ay pinili batay sa anim na ruta na tinukoy ng transportation authorities.
Kinabibilangan ito ng Commonwealth Avenue, Marcos Highway, Quezon Avenue–España Boulevard, A. Bonifacio Avenue o Cloverleaf–Blumentritt, Rizal Avenue, at Zapote Road.
