Nagpapatuloy pa ring nararanasan ang unhealthy air quality level sa ilang bahagi ng Metro Manila.
Ito ay bunsod pa rin ng nararanasang haze mula sa Indonesia.
Batay sa 6 a.m. advisory ng Department of Environmental Management Bureau-National Capital Region, namonitor ang hindi magandang kalidad ng hangin na delikado sa ilang vulnerable individuals.
Partikular na natukoy ang unhealthy air sa Makati, Las Piñas, Parañaque, Malabon, Quezon City at Taguig City.
Pinapayuhan ang mga residente na magsuot ng respiratory protection tulad ng N95 mask.
Partikular na pinag-iingat ang mga bata, mga senior citizens at mga buntis.
