Nailipat na si Sen. Rodante Marcoleta sa Male Dormitory ng Quezon City Jail sa Payatas, ayon sa Department of the Interior and Local Government (DILG).
Sa statement, kinumpirma ng DILG, sa pamamagitan ng Bureau of Jail Management and Penology (BJMP), ang commitment ni Marcoleta sa Quezon City Jail-Male Dormitory, kaninang 10:49 ng umaga.
Kasunod ito ng inilabas na commitment order ng Sandiganbayan Third Division kaugnay ng plunder case na isinampa laban sa senador.
Una nang inihayag ni Philippine General Hospital Director Dr. Gerardo Legaspi na hindi na kailangang i-confine sa ospital si Marcoleta dahil bumuti na ang kondisyon nito.
