Lusot na sa bicameral conference committee ang reconciled version ng House Bill No. 4744 at Senate Bill No. 1981 o Private Basic Education Voucher Program.
Para kay House Speaker Faustino “Bojie” Dy III, isang hakbang ito tungo sa katuparan na palawakin ang access sa quality basic education para sa mas maraming Pilipino.
Giit ni Dy, hindi dapat maging hadlang ang kahirapan sa bawat pamilya para mapagkaitan ng maayos na edukasyon, dahil ang edukasyon pa rin ang “best investment” para sa kinabukasan ng bansa.
Kabilang sa mga conferee ay sina Rep. Roman Romulo, chairman ng Committee on Basic Education; Rep. Jude Acidre ng Tingog Party-list at chairman ng Higher and Technical Education Panel; Reps. Kenneth Gatchalian ng Valenzuela, Bernadette Escudero ng Sorsogon, at Chel Diokno ng Akbayan.
Sa Senado, pinangunahan ito ni Sen. Bam Aquino kasama si Sen. Camille Villar, habang present din ang mga opisyal ng DepEd.
