Naghahanda na ang Philippine Men’s National Football Team para sa 2026 ASEAN Cup.
Haharap ang mga Pilipino sa matinding pagsubok sa regional tournament sa pagbubukas ng kanilang Group B campaign laban sa Myanmar sa Hulyo 28, bago naman i-host ang Thailand sa Agosto 4.
Gaganapin ang dalawang home match sa New Clark City Athletics Stadium sa Capas, Tarlac.
Makakasagupa rin ng Pilipinas ang Laos sa Agosto 1 at Malaysia sa Agosto 8 sa dalawang away matches.
Dalawang koponan lamang mula sa bawat grupo ang uusad sa knockout stage.
