Nanindigan ang National Parent Teacher Association na ang mga magulang ang may kasalanan sa mga karahasang kinasasangkutan ng kabataan.
Sa panayam ng ME Radio TV, sinabi ni PTA National President Willy Rodriguez na mahalagang paalalahanan ang mga magulang sa kanilang mga obligasyon sa kanilang mga anak.
Iginiit ni Rodriguez na bumubuo na rin sila ng guidelines para sa mga opisyal ng PTA upang mabigyan sila ng responsibilidad sa paggabay sa mga kapwa magulang sa pag-aalaga sa kanilang mga anak.
