Nakatakdang bumili ang National Food Authority (NFA) ng siyamnapung (90) bagong truck ngayong 2025.
Ito’y upang matiyak na mabibigyan ang mga magsasaka, pati na ang mga nasa malalayong lugar, ng oportunidad na maibenta ang kanilang mga produkto sa ahensya.
Target ng NFA na bumili ng 880,000 metric tons ng palay sa mga lokal na magsasaka ngayong taon.
Sinabi ng Department of Agriculture (DA) na plano rin ng NFA na bumili ng additional na 150 trucks sa 2026, na tututok sa pagresolba sa problema sa logistics.
Bukod pa ito sa implementasyon ng fast-lane service para sa maliliit na mga magsasaka na nagbebenta ng mas mababa sa limampung (50) sako ng palay.
