Isinapubliko na ng House Prosecution Panel ang listahan ng private lawyers na tutulong sa impeachment trial ni Vice President Sara Duterte.
Ayon kay House Lead Prosecutor at Committee on Justice Chairperson Gerville Luistro, ang volunteered at pro bono lawyers ay mula sa tatlong respetadong law firms.
Ito ay ang Pecabar Law, Kapunan and Castillo Law Offices, at ang SALiGAL Law.
Ani Luistro, ang mga abogado ng tatlong law firms ay may “formidable roster of veteran litigators, former government lawyers, law firm partners at legal academics.”
Sila ang aasiste sa 11 public prosecutors mula sa Kamara sa paghahanda sa testigo, ebidensya, pleadings at trial strategy.
Kabilang sa high-profile litigators, criminal prosecutors, corporate disputes, arbitration proceedings at complex commercial cases ay sina:
Atty. Marforth T. Fua, managing partner ng Pecabar Law at dating assistant presidential legal counsel.
Veteran lawyer at litigator na si Lorna Kapunan, founder at senior partner ng Kapunan and Castillo Law Offices.
Cebu-based lawyer na si Amando Virgil Ligutan, managing partner ng SALiGAL Law at senior lecturer sa UP College of Law.
Ilan pa sa volunteer lawyers ay sina Attys. Erwin Matib at Justine Ann Lamarca, at senior associate na si James Bryan Ibrahim ng Pecabar.
Kabilang din sina Attys. Sonia Margarita Benemerito-Castillo, senior partner; Deanne Melissa Lorenzo-Singian, junior partner; Bettina Zamora; at Lito Cris Kapunan, co-managing partner mula sa Kapunan and Castillo Law Offices.
Nilinaw naman ni Congw. Luistro na “first batch” pa lamang ito dahil marami pa umanong nagboboluntaryong tumulong.
