Mas nababahala ang mga Pilipino sa tumataas na presyo ng mga produkto at serbisyo, ayon sa Pulse Asia survey.
Sa Sept. 17 to 24 survey, 71% ng 2,400 respondents ang nagsabing dapat tugunan agad ng Marcos administration ang inflation, na bumilis sa 7.2% noong Setyembre bunsod ng tumaas na presyo ng pagkain at transportasyon.
Lumilitaw din sa survey na 81% ng mga Pinoy ang hindi sang-ayon sa mga hakbang ng administrasyon para makontrol ang inflation.
Kabilang naman sa iba pang nangungunang alalahanin ng mga Pilipino ay ang paglaban sa graft and corruption na nasa 39% at umento sa sweldo ng mga manggagawa na nakakuha ng 36 percent.
