Gumawa ng kasaysayan ang Filipino film na “Silenced Nights” bilang first Philippine film na sasabak sa Platform Programme ng Toronto International Film Festival (TIFF) ngayong taon.
Inanunsyo ng film producer na si Joji Villanueva Alonso ang naturang milestone sa Instagram.
Sinabi ng producer-lawyer na ang Lawrence Fajardo-directed film ang unang Filipino entry sa 11-year-old Platform Programme, na tanging juried competition sa TIFF.
Makakatunggali nito ang labing isa pang mga pelikula para sa 20,000-dollar Platform Award.
Para sa non-English-language film, ang award ay magsisilbi ring Oscar-qualifying prize, na magbibigay daan sa winning film patungo sa Best International Film category sa 99th Academy Awards.
Bida sa “Silenced Nights” si Nico Antonio, kasama sina Lotlot de Leon, Ina Feleo, Tanya Gomez, Joel Saracho, at Dylan Ray Talon.
