Patuloy ang pagpapakilala ng BINI sa international stage, kasunod ng special appearance sa Coachella set ng British-Ivorian singer-songwriter na si Flowerovlove.
Lumabas ang female octet, maliban sa main vocalist na si Maloi, sa Coachella set ni Flowerovlove habang nagpe-perform ng “Breaking News” sa Gobi Stage noong Linggo (madaling araw ng Lunes dito sa Pilipinas).
Hindi nakadalo sa set si Maloi dahil masama ang kanyang pakiramdam.
Isang snippet ng kanilang onstage collaboration ang in-upload sa X ng Team Bloom USA, o ang tawag sa U.S. fanbase ng girl group.
Ibinahagi rin sa social media platforms ng BINI ang mga litrato ng performance at off-stage interactions ni Flowerovlove at ng P-pop powerhouse.
