Pinataob ng Barangay Ginebra ang guest team Bay Area Dragons para makuha ang Game 1 ng Best-of-7 sa Philippine Basketball Association (PBA) Commissioner’s Cup Finals.
Sa Christmas Day game kagabi sa Mall of Asia Arena sa harap ng mahigit 18,000 fans, nanaig ang Ginebra sa score na 96-81 sa pangunguna ni Veteran Point Guard LA Tenorio na kumamada ng kanyang conference-high 22 points.
Nakapagtala naman ng Double-Double 28 points at 13 rebounds si Import Justin Brownlee, double-double 16 points at 10 rebounds kay Christian Standhardinger, at 14 points, 9 rebounds, at 6 assists kay Reigning MVP Scottie Thompson.
Kinapos para sa Bay Area ang 27 points ni Import Andrew Nicholson, at tig-12 points nina Glen Yang at Zhu Songwei.
Susubuking bumawi ng Dragons sa Game 2 ngayong Miyerkules sa Smart Araneta Coliseum.
