Isolated incident lamang ang ambush sa Brgy. Dulangan, Datu Odin Sinsuat, sa Maguindanao del Norte.
Nanindigan si COMELEC Chairman George Garcia, hindi ito dahilan para i-postpone ang kauna-unahang parliamentary elections sa Bangsamoro Autonomous Region in Muslim Mindanao (BARMM).
Sinabi ni Garcia na iniimbestigahan nila kung may kaugnayan ang ambush sa panunumpa kamakailan ni BARMM Interim Chief Minister Abdul Raof “Sammy Gambar” Macacua, bilang chairman ng Bangsamoro Federalist Party.
Nakaligtas si Macacua at kanyang entourage matapos tambangan ng mga salarin ang kanilang convoy noong Sabado ng hapon.
Idinagdag ng poll chief na hindi dapat maging basehan ang ambush para isailalim ang Datu Odin Sinsuat sa COMELEC control, dahil iniiwasan nila na magkaroon ng tensyon sa munisipalidad.
