Aprubado na ng Toll Regulatory Board ang panibagong dagdag-singil sa mga motoristang dumaraan sa North Luzon Expressway (NLEX).
Ayon sa NLEX epektibo sa June 15 ang dagdag-singil sa toll kung saan karagdagang P7 ang ipatutupad sa open system habang P0.36 centavos per kilometer sa mga closed system.
Sa ilalim ng bagong toll fee matrix, ang Class 1 vehicles ay magbabayad ng karagdagang P7.00, P17.00 sa Class 2 vehicles at P19.00 para sa Class 3 vehicles.
Ang mga babiyahe sa dulo ng NLEX sa pagitan ng Metro Manila at Mabalacat City ay sisingilin ng dagdag na P33.00 para sa Class 1, P81.00 sa Class 2 at P98.00 sa Class 3 vehicles.
