Sanib-pwersa sina House Speaker Ferdinand Martin Romualdez at Tingog Partylist sa pag- facilitate ng P33-M tulong sa probinsya ng Albay na binubulabog ng bulkang Mayon.
Personal na nagkaloob si Romualdez ng tig P1-M tulong sa 3 distrito ng Albay.
Ang kalahating milyon ay in-cash habang ang nalalabing P500,000 ay in-kind.
Deretso ang tulong sa tanggapan nina Reps. Edcel Lagman ng 1st Dist., Joey Salceda ng 2nd District at Fernando Cabredo ng 3rd District.
Bukod pa dito, kino-ordinate na rin ni Romualdez at Tingog Partylist kay Department of Social Welfare and Development Sec. Rex Gatchalian ang tig-P10-M tulong sa bawat distrito ng Albay.
Ang tulong mula sa DSWD ay sa ilalim ng Assistance to Individuals in Crisis Situations (AICS) Program. —sa panulat ni Ed Sarto, DZME News
