Papalitan ng Philippine Statistics Authority (PSA) ang mga Philippine Identification Card o PhilID na nadamay sa sunog sa Manila Central Post Office.
Ayon kay Claire Dennis Mapa, Undersecretary ng National Statistician and Civil Registrar General (NSCRG), nakikipag-ugnayan na sila sa PHLPost upang malaman ang kabuuang bilang ng mga nasunog na National ID.
Inihayag naman ng PHLPost na ang mga PhilIDs na idi-deliver sa lungsod ng Maynila ang tanging naapektuhan ng sunog.
Tiniyak din ni Mapa na walang karagdagang gastos o babayaran ang mga rehistradong indibidwal na magpapapalit ng nasunog na ID nito, alinsunod sa protocol na itinakda ng PSA.
