Nanatili sa 6.25% ang batayan ng interest rate matapos bumaba ang inflation mula noong Pebrero hanggang Abril ng kasalukuyang taon.
Ito ang inihayag ni Bangko Sentral ng Pilipinas o BSP Gov. Felipe Medalla sa pulong na isinagawa ng monetary board hinggil sa monetary policy.
Aniya, bagaman bumaba ang inflation sa 6.6% noong Abril ay nananatili pa rin itong mataas sa target range ng gobyerno na 2 to 4%.
Nabatid na ang interest rate ay tumutukoy sa mga kondisyon kapag ang commercial banks ay humiram o namuhunan ng pera sa central bank, at pinakamahalagang paraan upang mapamahalaan ang inflation o pagtaas ng presyo ng mga bilihin at serbisyo, at currency exchange rate.
