Bagaman pinili ni Jennylyn Mercado na huwag nang magkomento sa “tell-all” ni Patrick Garcia, hindi naman nagpawala ang kanyang manager na si Becky Aguila na magsalita para ipagtanggol ang aktres.
Sa Facebook post, nasorpresa si Becky sa “pasabog” interview ni Ogie Diaz kay Patrick, kung saan itinanggi ng aktor na iniwan nito si Jenn habang buntis sa kanilang anak na si Jazz.
Binigyang-diin ni Patrick na si Jen ang may ayaw na makasama siya.
Sinabi ng manager na sa kabila ng lahat ng mga pagkukulang ni Patrick kay Jen, lalo na pagdating kay Jazz, pinili pa rin ng aktor na magpa-interview para protektahan ang anak nitong babae mula sa bashers sa pamamagitan nina Jen at Jazz.
Idinagdag ni Becky na tila nakalimutan ni Patrick na si Jen ay ina ng kanyang anak.
Aniya, maraming ginawa ang aktor na nakasakit kay Jen subalit hindi nito ibinahagi kanino man, bilang respeto kay Patrick bilang ama ni Jazz, at sa pamilya nito na hindi naman involved.
Inilarawan ng manager ang bersyon ng katotohanan ni Patrick na “maraming kulang at dagdag.”
