Pitong senior police officers, kasama ang hepe ng dalawang police districts sa Metro Manila, ang apektado ng bagong balasahan sa Philippine National Police.
Itinalaga bilang bagong hepe ng Firearms and Explosives Office si Police Brig. Gen. Melecio Buslig Jr., na dating director ng Eastern Police District.
Itinalaga naman si Police Brig. Gen. Glenn Oliver Cinco bilang hepe ng Supervisory Office for Security and Investigation Agencies o SOSIA mula sa pagiging director ng Southern Police District.
Papalit kay Buslig si Brig. Gen. Roman Arugay bilang EPD director habang si Brig. Gen. Rodel Pastro bilang SPD director.
Itinalaga naman si Brig. Gen. Jason Capoy bilang hepe ng Human Rights Affairs Office.
Papalit kay Capoy si Brig. Gen. Romano Cardiño bilang director ng Police Regional Office Eastern Visayas.
Si Brig. Gen. Rudecindo Reales naman ang mamumuno sa Police Regional Office Negros Island Region.
