Isinailalim sa reklamo ng National Bureau of Investigation-National Capital Region o NBI-NCR sina Batangas 1st District Representative Leandro Leviste, dating Representative Jacinto “Jing” Paras at lima pang indibidwal dahil sa umano’y qualified human trafficking.
Isinampa ang reklamo ngayong Setyembre 4 sa National Prosecution Service ng Department of Justice.
May kaugnayan ang kaso sa iniimbestigahang umano’y “honeytrap plot” na naglalayong maiugnay si Executive Secretary Ralph Recto sa isang sexual scandal.
Nagsimula ang imbestigasyon matapos isagawa ng NBI ang rescue operation sa ilang babae sa isang hotel sa Maynila.
Batay sa imbestigasyon, lumitaw umano ang plano na iugnay si Recto sa human trafficking kapalit ng ₱5 milyong bayad.
