Hindi maaaring pagbigyan ng Senado ang hiling ni Vice President Sara Duterte na sagutin nito ang pagkain at inumin ng defense team sa impeachment trial.
Sinabi ni Senate President Sherwin Gatchalian na hindi kakayanin ng pondo ng Senado ang naturang hiling dahil mayroon silang iba pang prayoridad na paggagastusan.
Ipinaliwanag ni Gatchalian na kailangan nilang umupa ng mga silid sa Philippine International Convention Center (PICC) pagdating ng Agosto para sa budget hearings, dahil ginagamit ang lahat ng mga conference room sa Senado para sa impeachment trial.
Sa posibleng bagong schedule ng Senado matapos ang SONA posibleng sa mga araw ng Huwebes at Biyernes maisagawa ang hearings para sa budget at iba pang panukalang nakabinbin sa Mataas na Kapulungan.
