Naniniwala si House Committee on Justice Chairperson Gerville Luistro na magkakaroon sila ng sapat na panahon para sa paghaharap ng mga ebidensya at testigo sa pre-trial conference at pre-trial kaugnay sa impeachment case laban kay Vice President Sara Duterte.
Sa panayam ng ME Radio TV, sinabi ng head ng House prosecution panel sa impeachment na si Luistro na sa pagitan ng June 9 hanggang July 3 posibleng itakda ang pre-trial conference at pre-trial.
Hindi naman matiyak ni Luistro kung hanggang kailan tatagal ang impeachment trial laban sa Bise Presidente dahil dedepende aniya ito sa mga ebidensya at testigo.
Sa panig aniya ng prosecution, posibleng umabot sa 25 testigo ang kanilang iharap sa paglilitis.
