Inaprubahan na ng Toll Regulatory Board ang petisyon ng Cavitex Infrastructure Corp. hinggil sa pagtaas ng toll fee.
Dahil dito, ang toll rate para sa Class 1 vehicles (kotse at SUVs) sa R-1 Expressway o magmumula sa Seaside Drive sa Parañaque hanggang Zapote, Las Piñas ay tataas sa P35 mula sa P33 pesos.
P70 mula P67 naman ang toll increase para sa Class 2 vehicles (minivans at mga bus), habang P104 mula sa P100 para sa Class 3 vehicles (malalaking truck at trailers).
Samantala, ang toll fee para sa Class 1 vehicles mula sa Zapote Intechange sa Bacoor, Cavite hanggang Kawit Toll Plaza ay tataas sa P73 mula sa P64.
P145 mula sa P129 naman ang toll increase para sa Class 2 vehicles, habang P219 mula sa P194 para sa class 3 vehicles.
Samantala, wala pang inilalabas na petsa ang pamunuan ng Cavitex kung kailan ipatutupad ang toll adjustments. —sa panulat ni Airiam Sancho
