Wala pa ring panalo ang Gilas Pilipinas Women sa 2023 FIBA Women’s Asia Cup na ginaganap sa Sydney, Australia.
Ito’y makaraang matalo ang Gilas ng five-time defending champion na Japan, sa score na 95-57.
Nakapagtala si Veteran Afril Bernardino ng 12 points, 8 rebounds, 2 assists, 3 steals, at one block habang si Vanessa de Jesus ay nag-ambag din ng 12 points.
Kulelat ang Pilipinas sa record nitong 0-2 sa Pool B, habang ang Japan ay umakyat sa 2-0, ka-tie ang host na Australia na nangunguna sa team standing. —sa panulat ni Lea Soriano
