Muling ilalagay sa red at yellow alert ang Visayas Grid ngayong araw ng Miyerkules.
Sa advisory ng National Grid Corporation of the Philippines o NGCP, ipatutupad ang red alert mula 5 PM hanggang 6 PM.
Yellow alert naman mula 2 PM hanggang 5 PM at 6 PM hanggang 8 PM.
Ayon sa NGCP, ang available capacity ng Visayas Grid ay 2,362 megawatts habang ang peak demand ay 2,548 megawatts.
Nasa labing-walong (18) planta lamang umano ang gumagana na may limitado pang kapasidad.
