Hihilingin ng prosecution team sa Senate Impeachment Court na maglaan ng upuan eksklusibo para lamang kay Vice President Sara Duterte.
Sa paliwanag ni House spokesperson Renee Co, ito’y kung magpapasya ang bise presidente na dumalo personally sa impeachment proceedings.
Ani Co, dapat makita ng taumbayan na may upuan para sa pangalawang pangulo, kung siya ay makikinig o sasagot sa mga inaakusa sa kanya.
Aniya, kagaya rin ng ginawa dati ng House Committee on Justice na naglaan si Chairperson Gerville Luistro ng upuan para kay VP Sara.
Paliwanag nito, hindi ito pag-pressure, hindi palabas at hindi rin panghihiya sa bise presidente kundi simpleng mensahe na bukas ang proseso na dinggin ang bawat panig, at handa rin ang Impeachment Court na makinig.
