Nakapag-secure ang Anti-Money Laundering Council (AMLC) ng freeze order laban sa isang “prominenteng mambabatas” kaugnay ng flood control scam.
Sa statement, sinabi ng AMLC na naglabas ang Court of Appeals (CA) ng freeze order matapos makakita ng sapat na batayan na ang mga ari-arian ay may kaugnayan sa plunder.
Ayon sa council, saklaw ng freeze order ang assets na iniugnay sa prominent lawmaker, isang korporasyon, at iba’t ibang associated individuals at entities na may kaugnayan sa umano’y mga anomalya sa flood control projects at mas malawak na government budget kickback scheme.
Sakop ng freeze order ang 86 bank accounts, apat na investment accounts, isang insurance policy, at 25 virtual asset wallets.
