Magsisilbing host ang Pilipinas ng 44th Association of Southeast Asian Nations Chiefs of National Police (ASEANAPOL) Conference ngayong linggo.
Bunsod nito, nanawagan ang Philippine National Police (PNP) ng mas matatag na regional police cooperation upang labanan ang transnational crime.
Sinabi ni PNP Chief Police General Jose Melencio Nartatez Jr. na bibigyang-diin sa naturang conference ang commitment sa regional cooperation sa pagtugon sa cross-border security concerns.
Gaganapin ang limang araw na conference mula Miyerkules hanggang Linggo sa Pasay City.
Inaasahang dadaluhan ito ng 186 delegates mula sa ASEAN member states, ASEANAPOL Secretariat, dialogue partners, at observer organizations.
