Darating sa Pilipinas si Miss Universe 2019 Zozibini Tunzi para magsilbing special host sa Miss Universe Philippines 2023 Coronation Night sa May 13.
Inanunsyo ng local organization ang naturang balita sa social media, pati na ang listahan ng mga hosts at guests.
Una nang pinangalanan sina Xian Lim at Alden Richards bilang co-hosts para sa coronation night.
Sina Tim Yap at Maureen Montagne ay makakasama rin sa coronation night bilang backstage hosts.
Kabilang naman sa mga magtatanghal ang Filipino-American singer na si Jessica Sanchez at Korean singer na si Nam Woo-Hyun.
Magkakaroon din ng homecoming bilang special guest sa coronation night si reigning Miss Universe 2022 R’bonney Gabriel na isang Filipino-American. —sa panulat ni Lea Soriano
