dzme1530.ph

MEDICAL ASSISTANCE MULA SA PCSO, HINDINA LIMITADO SA HOSPITAL AT ROOM CHARGES

Loading

Hindi na limitado sa hospital at room charges ang medical assistance na makukuha ng publiko mula sa Philippine Charity Sweepstakes Office o PCSO.

Ito ang kinumpirma ni PCSO General Manager Mel Robles at sinabing saklaw na rin ng kanilang tulong ang doctor’s professional fees.

Nilinaw din ni Robles na maaaring gamitin ang PCSO medical assistance kahit na mayroon nang nakuhang guarantee letter ang pasyente mula sa iba pang government agency.

Partikular na tinukoy ni Robles ang Medical Assistance for Indigent Patients at tulong mula sa PhilHealth.

Ang kailangan lamang anya ay magsumite ng medical abstract, valid identification, at final hospital billing ang mga pasyenteng hihingi ng medical assistance.

Para sa mga pasyente sa labas ng Metro Manila, maaaring iproseso ang aplikasyon sa pamamagitan ng PCSO provincial offices.

 

About The Author