Balik sa deficit ang budget ng gobyerno noong Pebrero makaraang bumaba ang revenue collection sa ikalawang buwan ng taon.
Ayon sa Bureau of Treasury, naitala sa P106.4-B ang budget deficit noong Pebrero, kabaliktaran ng P45.7-B na surplus noong Enero.
Mas mataas din ito kumpara sa P105.8-B na deficit na nai-record noong February 2022.
Natapyasan ng 0.25% o P211.9-B ang revenues noong Pebrero habang ang tax revenues ay bumagsak ng 3.01% o P192-B.
