Pina-experience kay BINI Jhoanna Robles ang kanyang dream job matapos maging surprise weather presenter sa Good Day L.A.
Sinamahan ng BINI member ang broadcaster na si Maria Quiban para sa weather report noong April 25.
Sa X, ibinahagi ng Fox 11 Los Angeles ang video ng segment kung saan inimbitahan ni Maria si Jhoanna, at sinabing nag-e-enjoy siya na tumulong sa mga taong ma-fulfill ang items sa kanilang “bucket list.”
Sa video, game na dineliver ni Jhoanna ang weather forecast habang ginaguide siya ni Maria.
Nag-guest ang Nation’s Girl Group sa naturang morning show upang ibahagi ang kanilang Coachella debut at ang kanilang upcoming “Signals” world tour.
