Mas pinipili ng ilan ang brown sugar kaysa white sugar dahil sa paniniwalang mas healthy ito.
Pero ayon sa mga eksperto, pareho pa rin itong dapat kainin nang may moderation.
Ayon sa mga nutritionist, ang white sugar ay dumaraan sa mas maraming proseso ng refinement kaya nawawala ang molasses o natural na katas ng tubo.
Samantala, ang brown sugar ay may natitirang molasses kaya nagkakaroon ito ng mas maitim na kulay at kaunting minerals tulad ng calcium, potassium, at iron.
Gayunman, ipinaliwanag ng mga eksperto na halos magkapareho lamang ang calorie at carbohydrate content ng white sugar at brown sugar.
Ibig sabihin, maaari pa rin itong magdulot ng pagtaas ng blood sugar level kapag nasobrahan sa pagkain.
Babala rin ng health experts, ang labis na pagkonsumo ng kahit anong uri ng asukal ay maaaring magpataas ng panganib sa obesity, diabetes, high blood pressure, at sakit sa puso.
Pinapayuhan ang publiko na limitahan ang pag-inom ng matatamis na inumin at processed foods, at mas piliin ang natural na tamis mula sa prutas upang mapanatili ang mas malusog na pangangatawan.
