Malaki ang ambag ng tamang pagpili ng inumin upang makontrol ang high blood pressure o hypertension, isang kondisyon na tumataas ang panganib ng stroke at sakit sa puso kapag hindi nabigyang pansin.
Batay sa mga pag-aaral sa nutrisyon, ilan sa mga pinakamainam na inumin para sa mga may altapresyon ay ang sumusunod:
Una, ang tubig — itinuturing ito na pinakasimple at pinakaimportante dahil tinutulungan nito ang maayos na sirkulasyon ng dugo at nagpapanatili ng tamang balance ng likido sa katawan.
Ikalawa, ang low-fat o skim milk — may taglay na potassium at calcium na mahalaga sa pagkontrol ng presyon ng dugo, basta’t hindi labis ang pag-inom.
Ikatlo, ang pomegranate juice — kilala sa taglay nitong antioxidants na makatutulong sa pagpapababa ng blood pressure kapag ininom ng tamang dami at walang dagdag na asukal.
Ikaapat, ang green tea — may mga compounds na tumutulong sa pagluwag ng mga ugat ng dugo at pagpapabuti ng sirkulasyon.
Ikalima, ang beetroot juice — may natural na nitrates na nagpapaluwag ng mga daluyan ng dugo na maaaring makatulong sa pagbaba ng presyon.
Samantala, ipinapayo rin ng mga doktor na limitahan ang pag-inom ng matatamis na inumin, softdrinks, at alcohol dahil maaaring makasama sa kondisyon ng hypertension.
