Maituturing na grave abuse of discretion ang pagpupumilit ng Senate majority bloc na payagan ang virtual participation at voting ng mga senador.
Ito ang iginiit ni dating Senate President Franklin Drilon na nagsasabing maaari nang dalhin sa Korte Suprema ang usapin.
Ipinaliwanag ni Drilon na may kapangyarihan ang Supreme Court na ituwid ang grave abuse of discretion.
Naniniwala si Drilon na ang proposed virtual voting ay posibleng may koneksyon sa impeachment trial laban kay Vice President Sara Duterte.
Inilarawan pa ni Drilon ang panukala bilang “Bato Amendment” dahil isinusulong ito para kay Senador Ronald dela Rosa.
