Dadalo si US President Donald Trump sa Association of Southeast Asian Nations (ASEAN) Summit sa Nov. 17, kasama ang iba’t ibang world leaders sa Pasay City.
Ayon sa Department of Foreign Affairs (DFA), darating sa Pilipinas ang leaders at delegates mula sa iba’t ibang bahagi ng mundo simula Nov. 16 hanggang 18.
Gaganapin ang opening ceremony ng ASEAN Summit sa Nov. 15 habang itinakda sa Nov. 16 hanggang 17 ang related summits o Plus One Summits.
Sinabi ng DFA na sa Nov. 17 ay iko-convene din ni Pangulong Ferdinand Marcos Jr. ang 29th ASEAN Plus Three Summit at ang 21st East Asia Summit.
Pangungunahan din ng Pangulo ang closing ceremony at ang handover ng ASEAN chairship sa Singapore.
