Na-sweep ng Choco Mucho ang ZUS Coffee, 25-20, 25-17, 25-20, sa PVL All-Filipino Conference Siklab series, sa Ynares Center sa Antipolo.
Pinangunahan ni Sisi Rondina-Rosales ang Flying Titans sa kanyang 15 points habang nag-ambag si Eya Laure ng 13 points, para sa 2-0 record ng Choco Mucho.
Samantala, walang player ng ZUS Coffee ang naka-score ng double digits sa kanilang season opener.
Pinangunahan ni AC Miner ang Thunderbelles sa kanyang 9 points habang nagdagdag si Zam Nolasco ng 8 points.
Tumagal lamang ang match ng isang oras at dalawampu’t anim na minuto, kung saan nasungkit ng Choco Mucho ang kanilang ikalawang sunod na panalo sa conference.
