Bigo si Filipina tennis star Alex Eala na makausad sa WTA 1000 Wuhan Open matapos kapusin sa hometown bet ng China na si Han Shi sa Round of 64 sa Dongfeng Voyah Center Court.
Nag-early exit ang bente uno anyos na Pinay matapos padapain ng Chinese opponent sa score na 4-6, 6-3, 6-3, kagabi, oras sa Pilipinas.
Sa nagdaang Singapore Tennis Open noong huling linggo ng Setyembre ay maaga ring lumabas si Eala, makaraang kapusin laban kay Tatiana Prozorova ng Russia sa Round of 16.
Samantala, makakasagupa naman ni Shi si Lelah Fernandez ng Canada sa Round of 32 ng Wuhan Open.
