Nagkakaisa ang mga lider at eksperto sa construction industry sa paggamit ng mga bagong teknolohiya, materyales, at solusyon na maaaring humubog sa kinabukasan ng sektor ng konstruksiyon sa Pilipinas.
Isasagawa bukas, Oct. 9, sa Lanson Place, Mall of Asia, Manila ang BuildRite S.T.R.O.N.G. Builders Summit 2026, na dadaluhan ng mga arkitekto, inhinyero, contractors, developers, at iba pang construction professionals.
Tema ng summit ang “Building Beyond the Ordinary: Smart Materials, Sustainable Solutions, and the Future of Construction.”
Sentro ng talakayan ang paggamit ng construction chemicals, advanced materials, engineering applications, standards at mga makabagong pamamaraan ng konstruksiyon.
Magbibigay naman ng keynote address si Atty. Nicasio A. Conti, Undersecretary ng Department of Public Works and Highways, para magbahagi ng pananaw mula sa sektor ng pamahalaan at imprastraktura.
Kabilang din sa mga industry experts na magbabahagi ng kanilang kaalaman sina Inv. Derrick A. Tan, founder ng BuildRite Construction Chemicals at President and CEO ng Magna Prime Chemicals Technologies, Inc.; Ar. Ed Ramirez ng BuildRite; at mga technical experts mula sa Covestro, Imerys, Wacker Chemicals South Asia, Xingyi at Bomanite SE Asia.
Layunin ng summit na paglapitin ang Filipino innovation, advanced material technology at industry expertise upang makatulong sa paghubog ng mas makabago at globally competitive na construction sector.
