Nangangamba ang Federation of Free Workers na gayahin ng mga korte sa ibang lugar ang aksyon ng Pasig Regional Trial Court sa pagharang sa wage hike sa Metro Manila.
Sa panayam ng ME Radio TV, sinabi ni Julius Cainglet, vice president ng Federation of Free Workers, na nagpasaklolo na sila sa Korte Suprema upang mapigilan ang iba pang korte na gumaya sa Pasig RTC.
Ikinatuwa naman anya ng kanilang samahan ang paninindigan ng Department of Labor and Employment sa dagdag sahod sa mga manggagawa.
