Bahagyang tumaas ang net satisfaction rating ni Vice President Sara Duterte noong Hunyo bago ang kanyang impeachment trial sa Senado, ayon sa Social Weather Stations (SWS) survey.
Sa July 20-29 survey na nilahukan ng 1,200 adult respondents, 58% ang kuntento sa performance ni Duterte, habang 26% ang hindi kuntento.
Dahil dito, nakapagtala si VP Sara ng net satisfaction rating na +31, na mas mataas ng 2 puntos mula sa +29 noong March 2026.
Samantala, tumanggap naman si Sen. Sherwin Gatchalian ng net satisfaction rating na +18 sa kanyang unang buwan bilang Senate President.
Nakapagtala naman si Speaker Bojie Dy ng 4-point increase sa kanyang net satisfaction rating, na mula sa +4 noong March ay umakyat sa +8 noong Hunyo.
Nag-improve din ang rating ni Chief Justice Alexander Gesmundo ng isang puntos, mula sa +9 noong March ay umakyat sa +10 noong nakaraang buwan.
Una nang iniulat na tumaas ng 8 puntos o sa -7 ang net satisfaction rating ni Pangulong Ferdinand Marcos Jr. noong Hunyo mula sa record-low na -15 noong March.
