WALANG kinalaman ang defense team ni Vice President Sara Duterte sa petisyong inihain sa Korte Suprema laban sa isinasagawang impeachment trial dahil sa pagkakahalal kay Senador Francis Chiz Escudero bilang presiding officer.
Sa press briefing, sinabi ni Atty. Michael Poa, spokesperson ng defense team, na sa kanyang paniniwala, hindi rin alam ng Bise Presidente ang petisyon dahil hindi nila ito napag-usapan kagabi.
Sila aniya sa defense team ay nakatutok sa impeachment trial at hindi rin nila nakakausap si Atty. Israelito Torreon na kasamang naghain ng petisyon.
Samantala, wala sa plano ng defense team na gamitin ding hostile witness sa paglilitis si Vice President Sara Duterte.
