Napanatili ng Tropical Depression Henry ang lakas nito habang tumatahak pakanluran sa West Philippine Sea.
Ayon sa PAGASA, huling namataan ang sentro ng Tropical Depression Henry 240 kilometers west southwest ng Abucay, Bataan.
Kumikilos ito pa-kanluran sa bilis na 25 kilometer per hour.
Taglay ng Bagyong Henry ang lakas ng hangin na 45 kilometer per hour malapit sa gitna at pagbugsong umaabot sa 55 kilometer per hour.
Samantala, bagama’t hindi inaasahang magdudulot ng malalakas na pag-ulan ang bagyo at maging ang southwest monsoon sa western section ng Southern Luzon, asahan naman ang kalat-kalat na pag-ulan at thunderstorms sa MIMAROPA, Western Visayas, Negros Island Region, Zamboanga Peninsula, Zambales, Bataan, Cagayan, Isabela, Batangas, Basilan at Tawi-Tawi sa loob ng 24 oras.
