Isinapubliko na ng 11-member House prosecution panel ang kani-kanilang assignment sa Articles of Impeachment.
Sa unang pagkakataon humarap sa media ang mga public prosecutors na sasabak sa impeachment trial ni Vice President Sara Duterte.
Si Batangas Rep. Gerville Luistro bilang chairperson ng House Committee on Justice ang tumayong lead prosecutor.
Ang Article one na tumutukoy sa threats at distabilization ay pangungunahan ni House Senior Deputy Majority Leader Lorenz Defensor, at makakatuwang niya bilang miyembro sina Reps. Leila de Lima, Ysabel Maria Zamora, at si chairperson Luistro.
Ang Article two o ang isyu ng bribery ay hahawakan ni Rep. Joel Chua ng Manila, at miyembro niya sina Reps. Rodge Gutierrez, Arlene “Kaka” Bag-ao, at Zamora.
Ang unexplained wealth ay nakapaloob sa Article three, at ito ay pangunahing hahawakan ni Rep. Terry Ridon habang makakatuwang bilang miyembro sina Reps. Chel Diokno, Bag-ao, Gutierrez, Luistro, Chua, de Lima, Lordan Suan at Jonathan Keith Flores.
Pang-apat na Article ay ang isyu sa confidential funds kung saan si Rep. Gerville Luistro ang hahawak bilang lead at katuwang sina Reps. Chua, Defensor, Gutierrez, Suan, Flores, Diokno, Ridon, at de Lima.
