All systems go na ang Association of Southeast Asian Nations o ASEAN 2026 Summit sa Cebu sa susunod na buwan.
Ito ang tiniyak ni Palace Press Officer Undersecretary Claire Castro matapos ang update ni National Organizing Committee Chairman at Executive Secretary Ralph Recto kay Pangulong Ferdinand Marcos Jr. kaugnay sa paghahanda.
Ang ASEAN Summit ngayong taon ay may temang “Navigating Our Future Together” kung saan ipakikita ang regional unity, resilience, at commitment para sa people-centered community.
Una namang ipinag-utos ni Pangulong Marcos na i-recalibrate ang hosting ng ASEAN Summits and related summits upang makabawas ng gastusin sa gitna ng tensyon sa Middle East.
Bunsod nito, sinabi ni Recto na 650 preparatory meetings ang isasagawa na lamang online.
